Работа па разглядзе зваротаў грамадзян, у тым ліку індывідуальных прадпрымальнікаў, і юрыдычных асоб у ААТ “Авіякампанія Трансавіяэкспарт" арганізавана ў адпаведнасці з заканадаўствам Рэспублікі Беларусь і ўнутранымі інструкцыямі Авіякампаніі.

Пісьмовыя звароты выкладаюцца на беларускай або рускай мове.

Пісьмовыя звароты грамадзян павінны ўтрымліваць:

• назву і (або) адрас арганізацыі альбо пасаду асобы, якім накіроўваецца зварот;
• прозвішча, уласнае імя, імя па бацьку (калі такое маецца) або ініцыялы грамадзяніна;
• адрас яго месца жыхарства (месца знаходжання);
• выклад сутнасці звароту;
• асабісты подпіс грамадзяніна (грамадзян).

Пісьмовыя звароты юрыдычных асоб павінны змяшчаць:

• назву і (або) адрас арганізацыі альбо пасаду асобы, якім накіроўваецца зварот;
• поўнае найменне юрыдычнай асобы і яго месца знаходжання; выкладанне сутнасці звароту;
• прозвішча, уласнае імя, імя па бацьку (калі такое маецца) або ініцыялы кіраўніка або асобы, упаўнаважанай ва ўстаноўленым парадку падпісваць звароты;
• асабісты подпіс кіраўніка або асобы, упаўнаважанай ва ўстаноўленым парадку падпісваць звароты, завераны пячаткай юрыдычнай асобы.

Да зваротаў, падаваным прадстаўнікамі заяўнікаў, прыкладаюцца дакументы, якія пацвярджаюць іх паўнамоцтвы.

Звароты павiнны быць разгледжаны не пазней за 15 дзён, а звароты, якія патрабуюць дадатковага вывучэння і праверкі – не пазней аднаго месяца, калі іншы тэрмін не вызначаны заканадаўчымі актамі.

У выпадку, калі для вырашэння выкладзеных у зваротах пытанняў неабходныя здзяйсненне вызначаных дзеянняў (выкананне работ, аказанне паслуг), атрыманне інфармацыі з замежнай дзяржавы ў тэрміны, якія перавышаюць месячны тэрмін, заяўнікам у тэрмін не пазней за адзін месяц з дня, наступнага за днём паступлення зваротаў, накіроўваецца пісьмовае паведамленне пра прычыны перавышэння месячнага тэрміну і тэрмінах здзяйснення такіх дзеянняў (выканання работ, аказання паслуг) або тэрмінах разгляду зваротаў па сутнасці.

Звароты лічацца разгледжанымі, калі разгледжаны ўсе выкладзеныя ў іх пытанні, прынятыя належныя меры па абароне, забеспячэнню рэалізацыі, аднаўленню правоў, свабод і (або) законных інтарэсаў заяўнікаў і ім накіраваны пісьмовыя адказы.

Пакідаюцца без разгляду па сутнасці пісьмовыя звароты, якія (па якіх):

• выкладзены не на беларускай або рускай мове;
  не адпавядаюць патрабаванням п.2-3 артыкула 12 Закона Рэспублікі Беларусь “Аб зваротах грамадзян і юрыдычных асобаў";
• утрымліваюць тэкст, які не паддаецца чытанню;
  утрымліваюць нецэнзурныя або абразлівыя словы або выразы;
• да зваротаў, падаваным прадстаўнікамі заяўнікаў, не прыкладзены дакументы, якія пацвярджаюць іх паўнамоцтвы;
• падлягаюць разгляду ў адпаведнасці з заканадаўствам аб канстытуцыйным судаводстве, грамадзянскім, грамадзянскім працэсуальным, гаспадарчым працэсуальным, крымінальна-працэсуальным заканадаўствам, заканадаўствам, якое вызначае парадак адміністрацыйнага працэсу, заканадаўствам аб адміністрацыйных працэдурах, звароты з'яўляюцца зваротамі работніка да наймальніка альбо ў адпаведнасці з заканадаўчымі актамі ўстаноўлены іншы парадак падачы і разгляду такіх зваротаў;
• звароту ўтрымліваюць пытанні, рашэнне якіх не адносіцца да кампетэнцыі Авіякампаніі, у тым ліку калі заўвагі і (або) прапановы, унесеныя ў кнігу заўваг і прапаноў, не адносяцца да дзейнасці Авіякампаніі;
• прапушчаны без уважлівай прычыны тэрмін падачы скаргі;
• заяўнікам пададзены паўторны зварот, у тым ліку занесенае ў кнігу заўваг і прапаноў, і ў ім не змяшчаюцца новыя абставіны, якія маюць значэнне для разгляду звароту па сутнасці;
• з заяўнікам спынена перапіска па выкладзеных у звароце пытаннях.

Паштовы адрас для пісьмовых зваротаў:
ААТ «Авіякампанія Трансавіяэкспарт»
220034, Рэспубліка Беларусь, г. Мінск, Захарава 44

Электронныя звароты

2 студзеня 2023 г.уступіў у сілу Закон Рэспублікі Беларусь ад 28 чэрвеня 2022 г. № 176-З «аб змяненні Закона Рэспублікі Беларусь «Аб зваротах грамадзян і юрыдычных асоб».

Закон устанаўлівае падачу ў дзяржаўныя органы і іншыя дзяржаўныя арганізацыі электронных зваротаў і атрыманне адказаў (апавяшчэнняў) на іх з дапамогай дзяржаўнай адзінай (інтэграванай) рэспубліканскай інфармацыйнай сістэмы ўліку і апрацоўкі зваротаў грамадзян і юрыдычных асоб.

Доступ карыстальнікаў да сістэмы ўліку і апрацоўкі зваротаў забяспечваецца з дапамогай сайта ў глабальнай камп’ютарнай сетцы Інтэрнэт https://обращения.бел.

Адміністрацыйныя працэдуры

Па пытаннях адміністрацыйных працэдур звяртацца ў аддзел кадраў па адрасе: г.Мінск, вул. Захарава 44, каб. №3, па прынцыпе “адно акно". Тэлефон для даведак: +375 17 323-78-12.
Спіс адміністрацыйных працэдур

Асабісты прыём